1som
Yuklab olish

Har bir so'm hisobda.

Xarajat, qarz va do'stlar bilan hisob-kitob — bitta ilovada. Hammasi telefoningizda saqlanadi: internetsiz, ro'yxatdan o'tishsiz, reklamasiz.

Android uchun hozir APK orqali. iPhone va Google Play versiyasi tez orada.

Uchta va'da

  • 0

    serverga yuboriladigan ma'lumot

    Yozuvlaringiz telefoningizdagi bazada turadi. Internet o'chiq bo'lsa ham ilova to'liq ishlaydi.

  • 0

    ro'yxatdan o'tish

    Telefon raqam, pochta yoki parol so'ralmaydi. Ochasiz va birinchi xarajatni yozasiz.

  • 0

    reklama

    Bannerlar ham, kuzatuvchi kodlar ham yo'q. Ekranda faqat sizning pullaringiz.

Kundalik pul ishlari uchun hamma narsa

Bir kunlik choydan tortib kredit to'loviga qadar — har bir so'm o'z joyida.

Tez yozish

Xarajatni bir necha soniyada yozing

Summa, toifa, izoh — va tayyor. Ilova siz ko'p yozadigan izohlarni eslab qoladi va taklif qiladi.

  • Ichida kalkulyator: 45 000 + 12 000 ni o'zi qo'shadi
  • Kirim, chiqim, hisoblar orasida o'tkazma va komissiya
  • Teglar, tavsif, takroriy to'lovlar va shablonlar
Xarajat qo'shish ekrani
Qarzlar

Kim kimga qancha qarz — esdan chiqmaydi

Bergan va olgan qarzlaringizni yozing, qisman qaytarilganini belgilang. Muddat yaqinlashsa, ilova eslatadi.

  • Qisman qaytarishlar va qoldiq
  • Dollardagi qarz — kurs bilan so'mda ham ko'rinadi
  • Kredit va bo'lib to'lash: oylik summa va to'lov kuni eslatmasi
Qarzlar ekrani
Do'stlar bilan bo'lish

Kafe, safar, ijara — hisobni teng bo'ling

Kim nima to'laganini kiriting — 1som kim kimga qancha o'tkazishini eng kam o'tkazmalar bilan hisoblaydi. Mana sinab ko'ring:

4
Har biriga 120 000 so'm

Hisob-kitob ekrani
Tahlil va byudjet

Pul qayerga ketayotganini ko'ring

Toifalar bo'yicha doira va trend grafiklari, oyma-oy taqqoslash. Byudjet qo'ying — chegaraga yaqinlashsangiz ogohlantiradi.

  • Oylik, haftalik yoki o'zingiz tanlagan davr
  • Ishlatilmagan qoldiqni keyingi davrga o'tkazish
  • Jamg'arma maqsadlari va "Olishim kerak" ro'yxati
Tahlil ekrani
Hisoblar

Naqd, karta, kredit — har biri alohida

Uzcard, Humo, Visa, jamg'arma, elektron hamyon va kreditlar. Har bir hisobning balansi, tarixi va statistikasi.

  • So'm, dollar, rubl va boshqa valyutalar
  • Kurslar Markaziy bankdan — siz bosganingizda
  • Hisobni o'chirsangiz ham eski yozuvlar saqlanadi
Hisoblar ekrani
Zaxira

Telefon almashsa ham ma'lumot yo'qolmaydi

Zaxira nusxa parol bilan shifrlanadi va faqat siz tanlagan joyga saqlanadi. Belgilangan vaqtda o'zi yuboradi.

  • O'z Telegram botingiz, Google Drive, iCloud yoki fayl
  • Excel, CSV, PDF eksport — istalgan davr uchun
  • Boshqa ilovadan CSV orqali import
Zaxira ekrani

Pullaringiz haqidagi gap — faqat sizda

1som serverga ega emas. Biz yozuvlaringizni ko'rmaymiz, sotmaymiz va hech kimga bermaymiz.

Maxfiylik siyosatini o'qish
PIN-kod va Face ID
Ilovani qulflang, summalarni bir bosishda yashiring. 30 soniyadan keyin o'zi qulflanadi.
Shifrlangan zaxira
AES-256 bilan himoyalangan .1som fayl. Parolsiz uni hech kim ocha olmaydi.
Internet faqat siz xohlaganda
Valyuta kursini yangilash yoki bulutga zaxira — faqat siz bosganingizda.

Ko'p beriladigan savollar

Javob topilmasa, support@1som.uz yoki Telegram'da @birsom_support ga yozing.

Ilova pullikmi?

Yo'q. Barcha imkoniyatlar bepul, reklama ham yo'q.

Internet bo'lmasa ishlaydimi?

Ha, to'liq. Internet faqat valyuta kursini yangilash va bulutga zaxira yuborish uchun kerak.

Telefonni almashtirsam, ma'lumotlar nima bo'ladi?

Eski telefonda zaxira oling — Telegram botingizga, Google Drive yoki iCloud'ga. Yangi telefonda 1som'ni o'rnating va "Zaxiradan tiklash"ni tanlang.

Boshqa ilovadagi yozuvlarimni ko'chira olamanmi?

Ha. Yozuvlarni CSV fayl qilib eksport qiling va 1som'da "Import" bo'limidan yuklang. Hisob va toifalar avtomatik moslanadi.

Qaysi tillarda bor?

O'zbekcha (lotin va kirill) va ruscha. Yorug' va qorong'i mavzu ham bor.

Toifani o'chirsam, eski xarajatlar yo'qoladimi?

Yo'q. O'chirilgan toifa yoki hisob yangi yozuvlarda ko'rinmaydi, lekin eski yozuvlar o'z nomi bilan saqlanib qoladi.

Android uchun yuklab oling

1som 1.0.0 versiyasi Android 7 va undan yangi telefonlarda ishlaydi. Google Play'ga chiqquncha APK fayl orqali o'rnating. iPhone versiyasi tez orada App Store'da.

  1. APK faylni yuklab oling.
  2. Faylni oching. Telefon so'rasa, brauzerga «noma'lum ilovalarni o'rnatish»ga ruxsat bering.
  3. «O'rnatish»ni bosing — tayyor.